သိုၵ်းမၢၼ်ႈႁဵတ်းပၢင်တိုၵ်းပွမ် ၼႂ်းၸိုင်ႈတႆး
သိုၵ်းမၢၼ်ႈႁဵတ်းပၢင်တိုၵ်းပွမ် ၼႂ်းၸႄႈဝဵင်းမွၵ်ႇမႆႇ လႄႈၸႄႈဝဵင်းလၢႆးၶႃႈ၊ ႁၢႆးငၢၼ်းပႃႈၼိူဝ်ဝႃႈ ႁုပ်ႈယိုတ်းလႆႈၵွင်ႈ တိၺွပ်းလႆႈၵူၼ်း။
ပူၼ်ႉမႃးမိူဝ်ႈဝၼ်းတီႈ 04/11/13 သိုၵ်းမၢၼ်ႈႁဵတ်းပၢင်တိုၵ်းပွမ် ၾၢႆႇႁွင်ႇၵၢၼ်ႇတူးလူင် မွၵ်ႈ 10 လၵ်း၊ လွင်ႈၼႆႉ ႁၢႆးငၢၼ်းၶိုၼ်ႈ တၢင်းၼိူဝ်ဝႃႈ ၾၢႆႇသိုၵ်းမၢၼ်ႈတိၺွပ်းလႆႈၵူၼ်းလိပ်းၵေႃႉၼိုင်ႈ၊ ၵူၼ်းတၢႆၵေႃႉၼိုင်ႈ၊ ႁုပ်ႈယိုတ်းလႆႈၵွင်ႈ သွင်လဝ်း။
သိုၵ်းမၢၼ်ႈၼေႇပျီႇတေႃႇ Photo:internet
ပူၼ်ႉမႃးၽွင်းႁူဝ်လိူၼ်ၼူဝ်ႊဝႅမ်ႊၿိူဝ်ႊ (2013) ၼႆႉၵေႃႈ သိုၵ်းမၢၼ်ႈၵႂႃႇယဵပ်ႇၺႃးမၢၵ်ႇတႅၵ်ႇ (လႅပ်ႈပဵၼ်မၢၵ်ႇ ဢၼ်တၢင်ႇမူႇတၢင်ႇ ၸုမ်းႁၢင်ႈၵၢင်ဝႆႉ) ပွတ်းဝၢၼ်ႈယိူင်း ၸႄႈဝဵင်းလၢႆးၶႃႈ။ ၵူၺ်းၵႃႈ ၾၢႆႇသိုၵ်းမၢၼ်ႈ သမ်ႉႁၢႆးငၢၼ်းၶိုၼ်ႈတၢင်းၼိူဝ်ဝႃႈ ၶဝ်လႆႈပဵၼ် ပၢင်တိုၵ်းၵၼ်တင်းၽူႈၶဵၼ်သေ ၾၢႆႇသိုၵ်းမၢၼ်ႈယိုတ်းလႆႈ ၵွင်ႈၵၢင်ႇၵမ်ႈၽွင်ႈ၊ ၾၢႆႇၽူႈၶဵၼ်တၢႆၽွင်ႈ- ၵူၼ်းၸမ်ၸႂ်ၾၢႆႇ တပ်ႉသိုၵ်းမၢၼ်ႈၵေႃႉၼိုင်ႈလၢတ်ႈ။
သိုၵ်းမၢၼ်ႈၼႆႉၶဝ်ၶႂ်ႈႁဵတ်းသင်တႄႉတႄႉ ဝူၼ်ႉပႆႇပွင်ႇ၊ လႅပ်ႈတေပဵၼ်တၢင်းၼိူဝ်ၸီႉသင်ႇလူင်းမႃး ႁႂ်ႈလိုပ်ႈလမ်းယိုဝ်း သိုၵ်းၸၢဝ်းၶိူဝ်း၊ ၸၼ်ႉပႃႈတႂ်ႈသမ်ႉဢမ်ႇၶႂ်ႈတိုၵ်းယိုဝ်းလႄႈ လႆႈၵႂႃႇၽၢမ်းႁဵတ်းပၢင်တိုၵ်းၵႅၵ်းပၢင်တိုၵ်းပွမ်ႁိုဝ်၊ ၵွပ်ႈလွင်ႈ သင်လႄႈသမ်ႉပေႃးထိုင်တီႈလႆႈႁဵတ်းပၢင်တိုၵ်းပွမ်ၸိူင်ႉၼႆ- ၵူၼ်းမိူင်းဢွၼ်ၵၼ်လၢတ်ႈ ၼင်ႇၼႆ။
သိုၵ်းမၢၼ်ႈၼႆႉၶဝ်ၶႂ်ႈႁဵတ်းသင်တႄႉတႄႉ ဝူၼ်ႉပႆႇပွင်ႇ၊ လႅပ်ႈတေပဵၼ်တၢင်းၼိူဝ်ၸီႉသင်ႇလူင်းမႃး ႁႂ်ႈလိုပ်ႈလမ်းယိုဝ်း သိုၵ်းၸၢဝ်းၶိူဝ်း၊ ၸၼ်ႉပႃႈတႂ်ႈသမ်ႉဢမ်ႇၶႂ်ႈတိုၵ်းယိုဝ်းလႄႈ လႆႈၵႂႃႇၽၢမ်းႁဵတ်းပၢင်တိုၵ်းၵႅၵ်းပၢင်တိုၵ်းပွမ်ႁိုဝ်၊ ၵွပ်ႈလွင်ႈ သင်လႄႈသမ်ႉပေႃးထိုင်တီႈလႆႈႁဵတ်းပၢင်တိုၵ်းပွမ်ၸိူင်ႉၼႆ- ၵူၼ်းမိူင်းဢွၼ်ၵၼ်လၢတ်ႈ ၼင်ႇၼႆ။
Sourcehttp//:www.panglong.org
No comments:
Post a Comment