ၵူၼ်းမိူင်းတႆး/ ၸိူဝ်းၶဝ်ႈႁဵတ်းၵၢၼ်မိူင်းထႆး၊ ဢမ်ႇမီးဝႂ် ၵပ်းတူဝ်ၸိုင်ႈမိူင်းႁူမ်ႈတုမ်မၢၼ်ႈသေ ယိပ်းဝႂ် ပၢတ်ႊသပွတ်ႊ ၸူဝ်ႈၶၢဝ်းၼၼ်ႉ ပေႃးဢွၵ်ႇမိူဝ်းၶီႇႁိူဝ်းဝိၼ် ၺႃးလွၵ်ႇငိုတ်ႈၵိၼ်ငိုၼ်း။
ၵဵဝ်ႇၵပ်းလွင်ႈၼႆႉ ၼၢင်းၶမ်း ၵူၼ်းမိူင်းၼၢႆးလၢတ်ႈဝႃႈ-ပေႃးဝႃႈၶၢမ်ႈလႅၼ်လိၼ်မိူဝ်းၵႂႃႇထိုင်တႃႈၶီႈလဵၵ်းယဝ်ႉ ပေႃးၵႂႃႇသိုဝ်ႉ ဝႂ်ႁိူဝ်းဝိၼ်ၵေႃႈ ပိူၼ်ႈဝႃႈႁႂ်ႈမီးဝႂ်ၵမ်ႉထႅမ်ဢွၵ်ႇတၢင်း၊ (ထွၵ်ႈၶၢၼ်ႇၸႃႇ) ပေႃးၵႂႃႇဢဝ်ဝႂ်ၵမ်ႉထႅမ် ဢွၵ်ႇတၢင်းတီႈလဝၵ (ၾၢႆႇၵူတ်ႇထတ်းၵူၼ်းၶဝ်ႈမိူင်း)ၵေႃႈ ဢဝ်ဝႂ်ပၢတ်ႊသပွတ်ႊၸူဝ်ႈၶၢဝ်းၼႆႉယိုၼ်ႈယွၼ်း။ ၸဝ်ႈၼႃႈတီႈၶဝ်သမ်ႉ ထၢမ်ဝႃႈ- ၵွပ်ႈသင် သူပဵၼ်ၵူၼ်းမိူင်းမၢၼ်ႈ သူဢမ်ႇမီးဝႂ်ၵပ်းတူဝ်၊ ထၢမ်တႂ်ႈထၢမ်ၼိူဝ်၊ ၵမ်ႈၽွင်ႈၵေႃႈမေႃတွပ်ႇၵမ်ႈၽွင်ႈၵေႃႈ ဢမ်ႇမေႃတွပ်ႇ။
မၼ်းၼၢင်းသိုပ်ႇလၢတ်ႈဝႃႈ-ၵမ်ႈၽွင်ႈတွင်ႈထၢမ်ဝႃႈ ႁဝ်းတေလႆႈႁဵတ်းႁိုဝ်၊ ၸဝ်ႈၼႃႈတီႈၶဝ်ယုၵ်ႉမိုဝ်း ႁဵတ်းၼႄ တီႈဢေႇသုတ်းလႆႈပၼ်ငိုၼ်း 1,500 ဝၢတ်ႇငိုၼ်းထႆး၊ တီႈၶူင်ႇႁိူဝ်းဝိၼ် တႃႈၶီႈလဵၵ်းသမ်ႉ ယွၼ်းထႅင်ႈတီႈဢေႇသုတ်း 500-1,000 ဝၢတ်ႇ၊ ပေႃးမိူဝ်းလူင်းတီႈႁၢႆးဝူဝ်းလႆႈပၼ် 5,000-10,000 ၵျၢတ်ႈငိုၼ်းမၢၼ်ႈ။ ငိုၼ်းၸိူဝ်းၼႆႉ လႆႈၸၢႆႇ ပၼ်တီႈၵူၼ်းပႂ်ႉၽၵ်းတူ- ဝႃႈၼႆ။
ဝႂ်ပၢတ်ႊသပွတ်ႊၸူဝ်ႈၶၢဝ်းၼႆႉ လူင်ပွင်ၸိုင်ႈမၢၼ်ႈႁဵတ်းပၼ်ၵေႃႈ ဢမ်ႇႁပ်ႉႁွင်းလွင်ႈၵႂႃႇတၢင်းလွတ်ႈလွတ်ႈလႅဝ်းလႅဝ်း။ ပေႃးဢမ်ႇမီးဝႂ်ၵပ်းတူဝ် (မၢတ်ႈပူင်ႇတိၼ်ႇ) တီႈတႃႈၶီႈလဵၵ်း၊ ႁၢႆးဝူဝ်း၊ တီႈဝဵင်းလိူဝ်ႇ (မၼ်းတလေး) တတ်ႈတႃးဢူး၊ ၶူင်ႇႁိူဝ်းဝိၼ်လႃႈသဵဝ်ႈ ၸိူဝ်းၼႆႉ ၺႃးလွၵ်ႇငိုတ်ႈၵိၼ်ငိုၼ်းတိၵ်းတိၵ်း။ ပေႃးပဵၼ်ၼၢင်းယိင်းၵေႃႈ ပဵၼ်ပလိၵ်ႈၼၢင်းယိင်း၊ ပေႃးပဵၼ်ၵူၼ်းၸၢႆးၵေႃႈပဵၼ်ပလိၵ်ႈၵူၼ်းၸၢႆး- ၸၢႆးဢွင်ႇ သီႇပေႃႉ ၵေႃႈလၢတ်ႈၼႄၼင်ႇၼႆ။
Sourcehttp;//www.pongloig.org
No comments:
Post a Comment